Tinĉjo, la plej fama fikcia ĵurnalisto, estis laŭdata en Bruselo far la Dalai-Lamao (Tensing Gyatso) per la premio 'Lumo de la Vero', pro tio, ke estas bone prezentataj multaj homoj kaj pejzaĝoj de Tibeto, dank` al vojaĝo kiun la aŭtoro (Hergé) mem faris. En Tinĉjo en Tibeto, Hergé portas sian junan heroon kun Kapitano Hadoko kaj la blanka hundo Miluo en danĝeran aventuron por savi la vivon de knabo, malnova amiko de Tinĉjo, kiu perdiĝis post aviadil-akcidento. La rakonto enhavas aventurplenan intrigon kun strangaj okazintaĵoj (kelkfoje eĉ tro fantaziaj¡)
''Danke al Tinĉjo, multaj homoj kiuj ĝis tiam eĉ ne konis Tibeton, eksciis pri ĝi'' , prelegis tiu religia gvidanto. La prezidentino de la Fondaĵo Hergé akceptis tiun simbolan agnoskon kaj asertis, ke la aŭtoro neniam imagis la gravecon de sia verko. La fondaĵon Tensing Gyatso aparte dankis, ĉar ili ne permesis al eldonejo publikigi ĉinan version kun la nomo `Tinĉjo en la Ĉina Tibeto'. Do, ili ŝanĝis tiun nomon. La regiono estis sendependa lando ĝis sia okupado far la ĉinoj en 1950 altrudante la komunisman reĝimon. Ekde tiam malfortiĝas la tibeta kulturo, kvamkam tiu lando estas nun pli prospera laŭ ekonomiaj mezuroj. La Dalai-lamao ankaŭ gravas politike, pro tio, la ĉinoj ne permesas al li eniri en sian patrujon.
La komikson oni donacis en esperanto al la ĉeestantoj. La premion donis la organizaĝo ´Kampajno Internacia por Tibeto'. Ili donacas ĝin al homoj kaj institucioj kiu laboras por tiu okupata teritorio.
No comments:
Post a Comment